ਫਾਈਲ ਫੋਟੋ
ਚੰਡੀਗੜ੍ਹ, 19 ਮਈ 2019 - ਚੰਡੀਗੜ੍ਹ ਤੋਂ ਲੋਕ ਸਭਾ ਚੋਣਾਂ 'ਚ 6.46 ਲੱਖ ਵੋਟਰਾਂ ਤੋਂ ਵੱਧ ਵੋਟਰ ਆਪਣੇ ਹੱਕ ਦੀ ਵਰਤੋਂ ਕਰਨਗੇ। ਚੰਡੀਗੜ੍ਹ 'ਚ 36 ਉਮੀਦਵਾਰ ਚੋਣ ਰੇਸ 'ਚ ਹਨ। ਕੁੱਲ 597 ਪੋਲਿੰਗ ਬੂਥ ਸ਼ਹਿਰ 'ਚ ਸਥਾਪਤ ਕੀਤੇ ਗਏ ਹਨ। ਜਿੰਨ੍ਹਾਂ 'ਚ 24 ਮਾਡਲ ਬੂ੍ਥਾਂ 'ਤੇ ਵੋਟਰਾਂ ਲਈ ਰੈੱਡ ਕਾਰਪੇਟ ਵਿਸ਼ਾਏ ਗਏ ਨੇ। ਚੰਡੀਗੜ੍ਹ 'ਚ 230 ਬੂਥ ਸੰਵੇਦਨਸ਼ੀਲ ਘੋਸ਼ਿਤ ਕੀਤੇ ਗਏ ਹਨ।
ਚੰਡੀਗੜ੍ਹ ਦੀਆਂ ਸਾਰੀਆਂ ਮਹੱਤਵਪੂਰਨ ਸੀਟਾਂ ਲਈ 36 ਉਮੀਦਵਾਰਾਂ 'ਚੋਂ ਕੁੱਲ 9 ਲੇਡੀ ਉਮੀਦਵਾਰ ਮੈਦਾਨ ਵਿਚ ਹਨ। ਮੁੱਖ ਦਾਅਵੇਦਾਰ, ਭਾਜਪਾ ਦੇ ਕਿਰਨ ਖੇਰ, ਕਾਂਗਰਸ ਦੇ ਪਵਨ ਕੁਮਾਰ ਬਾਂਸਲ ਅਤੇ ਆਮ ਆਦਮੀ ਪਾਰਟੀ ਦੇ ਹਰਮੋਹਨ ਧਵਨ ਹਨ ਹਨ। ਪਰ ਸਿਆਸੀ ਮਾਹਿਰ ਮੰਨਦੇ ਹਨ ਕਿ ਮੁੱਖ ਮੁਕਾਬਲਾ ਖੇਰ ਅਤੇ ਬਾਂਸਲ ਦੇ ਵਿਚਕਾਰ ਰਹਿਣ ਦੀ ਸੰਭਾਵਨਾ ਹੈ।