ਫ਼ਿਰੋਜ਼ਪੁਰ ਵਿਚੋਂ ਮਿਲੇ ਪੁਰਾਣੇ ਬੰਬ ਦੀ ਤਸਵੀਰ।
ਗੁਰਿੰਦਰ ਸਿੰਘ
ਫ਼ਿਰੋਜ਼ਪੁਰ, 26 ਅਗਸਤ, 2017 : ਫ਼ਿਰੋਜ਼ਪੁਰ ਸ਼ਹਿਰ ਸਥਿਤ ਖਾਲਸਾ ਆਈਸ ਫੈਕਟਰੀ ਦੇ ਪਿੱਛੇ ਵਿਰਾਨ ਪਈ ਜ਼ਮੀਨ ਵਿਚੋਂ ਅੱਜ ਸ਼ਾਮੀਂ ਇੱਕ ਪੁਰਾਣਾ ਬੰਬ ਮਿਲਣ ਨਾਲ ਇੱਕ ਵਾਰ ਦਹਿਸ਼ਤ ਦਾ ਮਾਹੌਲ ਬਣ ਗਿਆ। ਇਸ ਬੰਬ ਨੂੰ ਸਭ ਤੋਂ ਪਹਿਲਾਂ ਇਥੇ ਖੇਡ ਰਹੇ ਬੱਚਿਆਂ ਨੇ ਵੇਖਿਆ ਤੇ ਆਪਣੇ ਘਰਦਿਆਂ ਨੂੰ ਦੱਸਿਆ। ਸੂਚਨਾ ਮਿਲਦਿਆਂ ਹੀ ਪੁਲੀਸ ਮੌਕੇ ਤੇ ਪਹੁੰਚ ਗਈ ਤੇ ਇਸ ਬੰਬ ਨੂੰ ਆਪਣੇ ਕਬਜੇ ਵਿਚ ਲੈ ਲਿਆ। ਥਾਣਾ ਸਿਟੀ ਮੁਖੀ ਇੰਸਪੈਕਟਰ ਸਤਵਿੰਦਰ ਸਿੰਘ ਨੇ ਦੱਸਿਆ ਕਿ ਇਸ ਬੰਬ ਦੀ ਪਛਾਣ ਕਰਨ ਲਈ ਫੌਜ ਨੂੰ ਸੂਚਿਤ ਕਰ ਦਿੱਤਾ ਹੈ।
ਪੁਲਿਸ ਦਾ ਮੰਨਣਾਾ ਹੈ ਕਿ ਇਹ ਬੰਬ ਕਿਸੇ ਕਬਾੜੀਏ ਵੱਲੋਂ ਮੌਜੂਦਾ ਹਾਲਾਤ ਦੇ ਡਰ ਤੋਂ ਇਥੇ ਸੁੱਟਿਆ ਗਿਆ ਹੈ। ਖ਼ਬਰ ਲਿਖੇ ਜਾਣ ਤੱਕ ਪੁਲੀਸ ਦਾ ਕੋਈ ਉੱਚ ਅਫ਼ਸਰ ਮੌਕੇ ਤੇ ਨਹੀ ਪਹੁੰਚਿਆ ਜਦ ਕਿ ਥਾਦਾ ਮੁੱਖੀ ਵੱਲੋਂ ਇਸ ਮਾਮਲੇ ਨੂੰ ਹਲਕੇ ਵਿੰਚ ਲਿਆ ਜਾ ਰਿਹਾਹੈ ਜਦ ਕਿ ਮੌਕੇ 'ਤੇ ਮੌਜੂਦ ਲੋਕਾਂ ਦਾ ਕਹਿਦਾ ਹੈ ਕਿ ਅੱਜ ਦੇ ਹਾਲਾਤ ਵਿੱਚ ਪੁਲਿਸ ਨੂੰ ਅਜਿਹੇ ਮਾਮਲੇ ਨੂੰ ਹਲਕੇ ਵਿੱਚ ਨਹੀ ਲੈਣਾ ਚਾਹੀਦਾ। ਪੁਲਿਸ ਵੱਲੋਂ ਮਾਮਲੇ ਦੀ ਪੜਤਾਲ ਕੀਤੀ ਜਾ ਰਹੀ ਸੀ।