...ਜਨਾਬ ਸਾਨੂੰ ਤਾਂ ਪਤਾ ਹੈ....ਸਿੱਖ ਬੀ ਜੇ ਪੀ ਨੇਤਾ ਨੇ ਦਿੱਤਾ ਦਿਲਜੀਤ ਦੋਸਾਂਝ ਨੂੰ ਜਵਾਬ
ਨਵੀਂ ਦਿੱਲੀ , 3 ਅਕਤੂਬਰ, 2020 : ਨਾਮੀ ਐਕਟਰ ਤੇ ਸਿੰਗਰ ਦਿਲਜੀਤ ਦੋਸਾਂਝ ਵੱਲੋਂ ਕਿਸਾਨਾਂ ਦੀ ਹਾਲਤ ਅਤੇ ਹਾਥਰਸ ਗੈਂਗ ਰੇਪ ਦੇ ਮੱਦੇਨਜ਼ਰ ਸਾਂਝੀ ਕੀਤੀ ਜਜ਼ਬਾਤੀ ਨਜ਼ਮ ..ਪਤਾ ਤੁਹਾਨੂੰ ਹੋਣਾ ਜਨਾਬ ਤੇ ਬੀ ਜੇ ਪੀ ਨੇਤਾਵਾਂ ਨੇ ਤਿੱਖਾ ਪ੍ਰਤੀਕਰਮ ਜ਼ਾਹਿਰ ਕੀਤਾ ਹੈ .
ਬੀ ਜੇ ਪੀ ਦੇ ਸਿੱਖ ਨੇਤਾ ਆਰ ਪੀ ਸਿੰਘ ਨੇ ਤਾਂ ਦੋਸਾਂਝ ਦੇ ਟਵੀਟ ਦਾ ਜਵਾਬ ਉਸੇ ਕਾਵਿਮਈ ਲਹਿਜ਼ੇ 'ਚ ਹੀ ਕੀਤੇ ਟਵੀਟ ਰਹੀ ਦਿੱਤਾ ਹੈ . ਰੋਮਨ ਲਿਪੀ ਰਾਹੀਂ ਪੰਜਾਬੀ 'ਚ ਕੀਤੇ ਇਸ ਟਵੀਟ ਦੇ ਕਈ ਲਫ਼ਜ਼ ਠੀਕ ਤਰ੍ਹਾਂ ਨਹੀਂ ਲਿਖੇ ਹੋਏ ਇਸ ਲਈ ਅਸੀਂ ਇਸ ਨੂੰ ਗੁਰਮੁਖੀ'ਚ ਵੀ ਦੇ ਰਹੇ ਹਾਂ .
ਜਨਾਬ ਸਾਨੂੰ ਤਾਂ ਪਤਾ ਹੈ
ਪਰ ਤੁਹਾਨੂੰ ਪਤਾ ਹੈ ਕਿ ਨਹੀਂ
ਕਿ ਖਿਸਕਦੀ ਜ਼ਮੀਨ ਨੂੰ ਮੋੜਨ ਵਾਸਤੇ
ਝੂਠ ਦੀ ਬਿਸਾਤ ਵਿਛਾਈ ਗਈ ਹੈ
ਨਾ ਐੱਮ.ਐੱਸ.ਪੀ. ਹਟਾਈ ਜਾ ਰਹੀ, ਨਾ ਹੀ ਮੰਡੀ
ਪਰ ਆਪਣੀ ਰਾਜਨੀਤੀ ਨੂੰ ਚਮਕਾਉਣ ਲਈ
ਕਿਸਾਨ ਨੂੰ ਮੋਹਰਾ ਬਣਾਇਆ ਗਿਆ ਹੈ
ਪਹਿਲੀ ਵਾਰ ਕਿਸਾਨ ਦਾ ਖੀਸੇ 'ਚ
2 ਪੈਸੇ ਵੱਧ ਆਉਣ ਦਾ ਮੌਕਾ ਆਇਆ
ਪਰ ਗਿੱਧ ਚਾਹੁੰਦੇ ਨੇ
ਕਿਸਾਨ ਨੂੰ ਸਿਰਫ਼ ਮਜ਼ਦੂਰੀ ਮਿਲੇ
ਮਿਹਨਤ ਤੇ ਮੁਨਾਫ਼ਾ ਕੋਈ ਹੋਰ ਫੜੇ
ਦਿਲਜੀਤ ਦੋਸਾਂਝ ਦੀ ਨਜ਼ਮ ਪੜ੍ਹਨ ਲਈ ਕਲਿੱਕ ਕਰੋ :
….ਪਤਾ ਤਾਂ ਹੋਣੈ ਤੁਹਾਨੂੰ ਜਨਾਬ… ….. ਦਿਲਜੀਤ ਦੁਸਾਂਝ ਦੇ ਦਿਲੋਂ ਨਿਕਲੀ ਆਵਾਜ਼