ਫਰੀਦਾਬਾਦ, 21 ਦਸੰਬਰ 2020 - ਕਿਸਾਨ ਅੰਦੋਲਨ 'ਚ ਭਾਵੇਂ ਖਾਣ ਪੀਣ ਅਤੇ ਪਹਿਨਣ ਦੀਆਂ ਵਸਤਾਂ ਦੀਆਂ ਕੋਈ ਕਮੀ ਨਹੀਂ ਹੈ, ਪਰ ਹਮੇਸ਼ਾ ਸਾਫ ਸਫਾਈ ਨੂੰ ਲੈ ਕੇ ਇਹੋ ਜਿਹੀਆਂ ਤਸਵੀਰਾਂ ਤੇ ਕਿਸਾਨਾਂ ਦੀਆਂ ਸ਼ਿਕਾਇਤਾਂ ਤੇ ਬੇਨਤੀਆਂ ਜਰੂਰ ਸਾਹਮਣੇ ਆਉਂਦੀਆਂ ਨੇ ਕਿ ਤਾਂ ਜੋ ਅੰਦੋਲਨ 'ਚ ਉਥੇ ਮੌਜੂਦ ਨੌਜਵਾਨ ਸਾਫ ਸਫਾਈ ਕਰਕੇ ਆਪਣਾ ਆਲਾ ਦੁਆਲਾ ਸਾਫ ਰੱਖਣ ਕਿ ਕੋਈ ਬਿਮਾਰੀ ਨਾ ਫੈਲੇ।
ਇਸੇ ਤਰ੍ਹਾਂ ਦਾ ਜਜ਼ਬਾ ਦਿਖਾ ਰਹੇ ਨੇ ਫਰੀਦਾਬਾਦ ਦੇ ਚੰਗੇ ਘਰਾਂ ਦੇ ਕਾਕੇ। ਜਿੰਨ੍ਹਾਂ ਦਾ ਇੱਕ ਗਰੁੱਪ ਬਣਾਇਆ ਹੋਇਆ ਹੈ ਤੇ ਇਹ ਨੌਜਵਾਨ ਦਿੱਲੀ ਬਾਰਡਰ 'ਤੇ ਲੱਗੇ ਧਰਨ 'ਚ ਸਾਫ ਸਫਾਈ ਕਰਦੇ ਆਮ ਹੀ ਦੇਖੇ ਜਾ ਸਕਦੇ ਨੇ। ਵੱਡੇ ਘਰਾਂ ਦੇ ਇਹ ਕਾਕੇ ਪਿਛਲੇ ਇੱਕ ਹਫਤੇ ਤੋਂ ਲਗਾਤਾਰ ਅੰਦੋਲਨ ਕਰ ਰਹੇ ਕਿਸਾਨਾਂ ਦੀ ਸੜਕ 'ਤੇ ਸਫਾਈ ਕਰਕੇ ਸੇਵਾ ਕਰ ਰਹੇ ਨੇ। ਇਹ ਜਾਣਕਾਰੀ ਸੀਨੀਅਰ ਪੱਤਰਕਾਰ ਸਰਬਜੀਤ ਸਿੰਘ ਧਾਲੀਵਾਲ ਨੇ ਸਾਂਝੀ ਕੀਤੀ ਹੈ।