ਤਰਨਤਾਰਨ, 23 ਜਨਵਰੀ 2021 - ਆਮ ਆਦਮੀ ਪਾਰਟੀ ਵਲੋਂ ਕਿਸਾਨਾਂ ਦੇ 26 ਜਨਵਰੀ ਦੀ ਦਿੱਲੀ ਵਿੱਚ ਕੀਤੇ ਜਾ ਰਹੇ ਟਰੈਕਟਰ ਮਾਰਚ ਦੇ ਸਮਰਥਨ ਵਿੱਚ ਅੱਜ ਆਮ ਆਦਮੀ ਪਾਰਟੀ ਨੇ ਤਰਨਤਾਰਨ ਸ਼ਹਿਰ ਵਿਚ ਮੋਟਰਸਾਈਕਲ ਰੈਲੀ ਕੱਢ ਕੇ ਲੋਕਾਂ ਨੂੰ ਲਾਈ ਗੁਹਾਰ 26 ਤਰੀਕ ਨੂੰ ਟਰੈਕਟਰ ਰੈਲੀ ਵਿੱਚ ਕਿਸਾਨਾਂ ਦੇ ਟਰੈਕਟਰ ਮਾਰਚ ਵਿੱਚ ਸ਼ਾਮਲ ਹੋ ਕੇ ਕਿਸਾਨਾਂ ਦਾ ਸਾਥ ਦਿਓ। ਇਹ ਮੋਟਰਸਾਈਕਲ ਰੈਲੀ 200-250 ਮੋਟਰਸਾਈਕਲ ਦਾ ਕਾਫ਼ਲਾ ਮਾਝਾ ਕਾਲਜ ਤੋਂ ਸ਼ੁਰੂ ਹੋ ਕੇ ਸ਼ਹਿਰ ਦੇ ਵੱਖ-ਵੱਖ ਇਲਾਕਿਆਂ ਤੋਂ ਹੁੰਦੀ ਹੋਈ ਜੰਡਿਆਲਾ ਚੌਕ ਵਿਚ ਸਮਾਪਤ ਹੋਈਆਂ,ਜਿਸ ਦੀ ਅਗਵਾਈ ਜ਼ਿਲ੍ਹਾ ਪ੍ਰਧਾਨ ਗੁਰਵਿੰਦਰ ਬਹਿੜਵਾਲ, ਜੁਆਇੰਟ ਸੈਕਟਰੀ ਬਲਜੀਤ ਸਿੰਘ ਖਹਿਰਾ,ਜਰਨਲ ਸਕੱਤਰ ਰਜਿੰਦਰ ਸਿੰਘ ਉਸਮਾਂ, ਮੀਡੀਆ ਇੰਚਾਰਜ ਹਰਪ੍ਰੀਤ ਸਿੰਘ ਧੁੰਨਾ, ਸੋਸ਼ਲ ਮੀਡੀਆ ਇੰਚਾਰਜ ਗੁਰਲਾਲ ਸਿੰਘ ਭਗਵਾਨਪੁਰਾ ਖਜਾਨਚੀ ਲਖਵਿੰਦਰ ਸਿੰਘ ਫੌਜੀ ਨੇ ਕੀਤੀ|
ਇਸ ਮੌਕੇ ਗੁਰਵਿੰਦਰ ਬਹਿੜਵਾਲ ਨੇ ਕਿਹਾ ਕਿ ਆਮ ਆਦਮੀ ਪਾਰਟੀ ਪੂਰੀ ਤਰ੍ਹਾਂ ਨਾਲ ਕਿਸਾਨਾਂ ਦੇ ਟ੍ਰੈਕਟਰ ਮਾਰਚ ਦਾ ਸਮਰਥਨ ਕਰਦੀ ਹੈ ਲੋਕਾਂ ਦੇ ਨਾਲ-ਨਾਲ ਆਪਣੇ ਵਲੰਟੀਅਰ ਨੂੰ ਵੀ ਤਤਪਰ ਕਰਕੇ ਦਿੱਲੀ ਜਾਣ ਲਈ ਪ੍ਰੇਰਿਆ ਗਿਆ ਤਾਂ ਜ਼ੋ ਦਿੱਲੀ ਪਹੁੰਚ ਕਿਸਾਨਾਂ ਦੇ ਹੱਕ ਵਿੱਚ ਹਾਅ ਦਾ ਨਾਅਰਾ ਮਾਰਿਆ ਜਾ ਸਕੇ ਤੇ ਉਹਨਾਂ ਕਿਹਾ ਕਿ ਸਾਡੇ ਪਾਰਟੀ ਦੇ ਸੀਨੀਅਰ ਲੀਡਰ ,ਤੇ ਅਹੁਦੇਦਾਰ ਵਲੰਟੀਅਰ ਪਾਰਟੀ ਦੇ ਝੰਡੇ ਤੋਂ ਬਿਨਾ, ਦਿੱਲੀ ਦੇ ਟ੍ਰੈਕਟਰ ਮਾਰਚ ਦਾ ਹਿੱਸਾ ਬਣਨਗੇ।
ਉਹਨਾਂ ਕਿਹਾ ਕਿ ਮੋਦੀ ਸਰਕਾਰ ਖਿਲਾਫ ਆਮ ਜਨਤਾ ਤੇ ਦੁਕਾਨਦਾਰਾਂ ਵਿੱਚ ਬਹੁਤ ਵੱਡੀ ਮਾਤਰਾ ਵਿੱਚ ਅੱਜ ਰੋਸ ਵੇਖਣ ਨੂੰ ਮਿਲਿਆ ਕਿਉਂਕਿ ਲਗਾਤਾਰ ਹੋਈਆਂ 11 ਮੀਟਿੰਗ ਵਿੱਚ ਸਰਕਾਰ ਦਾ ਨਾਂਹ-ਪੱਖੀ ਰਵਇਆ ਤੇ ਰੁੱਖ ਇਹ ਤੈਅ ਕਰਦਾ ਹੈ ਕਿ ਸਰਕਾਰ ਦਾ ਰਵਈਆ ਤੇ ਮਨਸ਼ਾ ਕੁਝ ਹੋਰ ਹੈ। ਜਿਸ ਦਾ ਭਾਰੀ ਖਮਿਆਜ਼ਾ ਸਰਕਾਰ ਨੂੰ ਭੁਗਤਣਾ ਪਵੇਗਾ। ਪੰਜਾਬ ਦੀ ਕੈਪਟਨ ਸਰਕਾਰ ਵੀ ਕੇਂਦਰ ਦੀ ਸਰਕਾਰ ਦਾ ਅੰਦਰ-ਖ਼ਾਤੇ ਸਾਥ ਦੇ ਰਹੀ ਹੈ|
ਇਸ ਮੌਕੇ ਤੇ ਡਾਕਟਰ ਕਸ਼ਮੀਰ ਸਿੰਘ ਲਖਵਿੰਦਰ ਸਿੰਘ ਫੌਜੀ ਗੁਰਦੇਵ ਸਿੰਘ ਲਾਖਣਾ ਜਸਬੀਰ ਸਿੰਘ ਸੁਰਸਿੰਘ ਹਰੀ ਸਿੰਘ ਵਾਂ ਰਣਜੀਤ ਸਿੰਘ ਚੀਮਾ ਲਾਲਜੀਤ ਸਿੰਘ ਭੁੱਲਰ ਮਨਜਿੰਦਰ ਸਿੰਘ ਸਿੱਧੂ ਲਵਲੀ ਰੂੜੀਵਾਲਾ ਸ਼ਮਸ਼ੇਰ ਸਿੰਘ ਯੋਗਰਾਜ ਸਿੰਘ ਸੰਦੀਪ ਸਿੰਘ ਤਰਸੇਮ ਸਿੰਘ ਫੌਜੀ ਅਵਤਾਰ ਕੰਗ ਦਿਲਬਾਗ ਸਿੰਘ ਫੌਜੀ ਮਾਸਟਰ ਤਸਵੀਰ ਸਿੰਘ ਦਲਬੀਰ ਸਿੰਘ ਮਾਸਟਰ ਸ਼ਿੰਗਾਰਾ ਸਿੰਘ ਤਰਸੇਮ ਸਿੰਘ ਸੋਹਲ ਹੀਰਾ ਪੱਟੀ ਆਦਿ ਹਾਜ਼ਰ ਸਨ.