ਫਤਿਹਗ੍ਹੜ ਸਾਹਿਬ : ਸੁਖਬੀਰ ਬਾਦਲ ਦੀ ਪ੍ਰੈਸ ਕਾਨਫਰੰਸ ਮੌਕੇ ਵਿਖਾਈਆਂ ਕਾਲੀਆਂ, ਕੀਤੀ ਨਾਅਰੇਬਾਜ਼ੀ, ਪੱਗਾਂ ਲੱਥੀਆਂ
ਫਤਿਹਗੜ੍ਹ ਸਾਹਿਬ, 28 ਦਸੰਬਰ , 2020 : ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦੀ ਗੁਰਦੁਆਰਾ ਫਤਿਹਗੜ੍ਹ ਸਾਹਿਬ ਕੰਪਲੈਕਸ ਵਿਚ ਪ੍ਰੈਸ ਕਾਨਫਰੰਸ ਦੌਰਾਨ ਕੁਝ ਅਣਪਛਾਤੇ ਕਿਸਾਨਾਂ ਨੇ ਕਾਲੀਆਂ ਝੰਡੀਆਂ ਵਿਖਾ ਕੇ ਜ਼ੋਰਦਾਰ ਨਾਅਰੇਬਾਜ਼ੀ ਕਰ ਦਿੱਤੀ। ਇਸ ਰੌਲੇ ਰੱਪੇ ਵਿਚ ਕੁਝ ਬੰਦਿਆਂ ਦੀਆਂ ਪੱਗਾਂ ਵੀ ਲੱਥ ਗਈਆਂ।
ਜਾਣਕਾਰੀ ਮੁਤਾਬਕ ਜਦੋਂ ਸੁਖਬੀਰ ਸਿੰਘ ਬਾਦਲ ਜਦੋਂ ਗੁਰਦੁਆਰਾ ਫਤਿਹਗੜ੍ਹ ਸਾਹਿਬ ਕੰਪਲੈਕਸ ਵਿਚ ਗੈਸਟ ਹਾਊਸ ਵਿਚ ਪ੍ਰੈਸ ਕਾਨਫਰੰਸ ਕਰ ਰਹੇ ਸਨ ਤਾਂ ਬਾਹਰ ਕਿਸਾਨ ਇਕੱਤਰ ਹੋ ਗਏ । ਇਹਨਾਂ ਵੱਲੋਂ ਬਾਦਲ ਵਿਰੁੱਧ ਨਾਅਰੇਬਾਜ਼ੀ ਕੀਤੀ ਗਈ। ਸਕਿਓਰਿਟੀ ਨੇ ਸੁਖਬੀਰ ਸਿੰਘ ਬਾਦਲ ਨੂੰ ਪਿਛਲੇ ਗੇਟ ਰਾਹੀਂ ਕੱਢ ਦਿੱਤਾ। ਇਸ ਮਗਰੋਂ ਕੁਝ ਅਕਾਲੀ ਆਗੂਆਂ ਨਾਲ ਕਿਸਾਨਾਂ ਦੀਹੱਥੋ ਪਾਈ ਹੋ ਗਈ ਤੇ ਕੁਝ ਇਕ ਦੀਆਂ ਪੱਗਾਂ ਲੱਥ ਗਈਆਂ।