ਨਵੀਂ ਦਿੱਲੀ, 31 ਦਸੰਬਰ 2020 - ਭਾਰਤੀ ਕਿਸਾਨ ਯੂਨੀਅਨ ਲੱਖੋਵਾਲ ਦੇ ਪ੍ਰਧਾਨ ਅਜਮੇਰ ਸਿੰਘ ਲੱਖੋਵਾਲ ਦਾ ਸਿੰਘੂ ਬਾਰਡਰ ਦੀ ਸਟੇਜ ਤੋਂ ਉਸ ਵੇਲੇ ਜਮ ਕੇ ਵਿਰੋਧ ਹੋਣ ਲੱਗਾ ਜਦੋਂ ਅਜਮੇਰ ਸਿੰਘ ਲੱਖੋਵਾਲ ਸਟੇਜ ਤੋਂ ਲੋਕਾਂ ਨੂੰ ਸੰਬੋਧਨ ਕਰਨ ਲੱਗੇ। ਲੱਖੋਵਾਲਹਾਲੇ ਸਟੇਜ ਤੋਂ ਬੋਲਣ ਹੀ ਲੱਗੇ ਸਨ ਕਿ ਪੰਡਾਲ 'ਚ ਬੈਠੀ ਸੰਗਤ ਨੇ ਉਨ੍ਹਾਂ ਦਾ ਵਿਰੋਧ ਕਰਨਾ ਸ਼ੁਰੂ ਕਰ ਦਿੱਤਾ।
ਲੱਖੋਵਾਲ ਨੇ ਕਿਹਾ ਕਿ ਉਹ ਆਪਣਾ ਇਲਾਜ ਕਰਾ ਕੇ ਸਿੱਧਾ ਅਮਰੀਕਾ ਤੋਂ ਵਾਪਸ ਆਏ ਨੇ ਤੇ ਉਹ ਸਭ ਨੂੰ ਵਧਾਈ ਦੇਣਾ ਚਾਹੁੰਦੇ ਨੇ ਕਿ ੲਹਿ ਮੋਰਚਾ ਦੁਨੀਆਂ 'ਚ ਇਤਿਹਾਸ ਬਣ ਗਿਆ। ਲੱਖੋਵਾਲ ਨੇ ਆਖਰ ਮਾਫੀ ਮੰਗੀ ਤੇ ਫਤਹਿ ਬੁਲਾ ਕੇ ਸਟੇਜ ਤੋਂ ਉਤਰ ਗਏ।