ਜ਼ੀਰਕਪੁਰ, 7 ਸਤੰਬਰ, 2016 : ਸ਼੍ਰੋਮਣੀ ਅਕਾਲੀ ਦਲ ਦੇ ਖ਼ਜ਼ਾਨਚੀ ਤੇ ਹਲਕਾ ਵਿਧਾਇਕ ਡੇਰਾਬਸੀ ਐਨ.ਕੇ. ਸ਼ਰਮਾ ਨੇ ਅੱਜ ਮਹਾਂਨਗਰ ਮੁੰਬਈ ਦੀ ਤਰਜ਼ 'ਤੇ ਚੰਡੀਗੜ੍ਹ ਨੇੜੇ ਵਸੇ ਸ਼ਹਿਰ ਜ਼ੀਰਕਪੁਰ 'ਚ ਅੰਡਰ ਬ੍ਰਿਜ ਗਾਰਡਨ ਦਾ ਉਦਘਾਟਨ ਕੀਤਾ। ਫਲਾਈਓਵਰ ਦੀ ਖੂਬਸੂਰਤੀ ਨੂੰ ਚਾਰ ਚੰਨ ਲਗਾਉਣ ਲਈ ਨਿਰਮਾਣ ਕਾਰਜ ਸ਼ੁਰੂ ਕਰਵਾਉਂਦਿਆਂ ਸ਼ਰਮਾ ਨੇ ਕਿਹਾ ਕਿ ਅੰਡਰ ਬ੍ਰਿਜ ਗਾਰਡਨ ਬਣਨ ਵਾਲਾ ਜ਼ੀਰਕਪੁਰ ਪੰਜਾਬ ਦਾ ਪਹਿਲਾ ਸ਼ਹਿਰ ਹੋਵੇਗਾ।
ਉਨ੍ਹਾਂ ਕਿਹਾ ਕਿ ਡੇਢ ਕਿੱਲੋਮੀਟਰ ਲੰਮੇ ਇਸ ਪੁਲ ਦੇ 55 ਪਿੱਲਰਾਂ 'ਤੇ ਪੰਜਾਬੀ ਸਭਿਆਚਾਰ ਨੂੰ ਦਰਸਾਉਂਦੀ ਚਿੱਤਰਕਾਰੀ ਕਰਵਾਈ ਜਾਵੇਗੀ ਤੇ ਹੇਠਾਂ ਟਾਈਲਾਂ ਲਾ ਕੇ ਪਾਸਿਆਂ 'ਤੇ ਗਰਿਲਾਂ ਲਾਈਆਂ ਜਾਣਗੀਆਂ।