ਫਰੀਦਕੋਟ, 4 ਦਸੰਬਰ, 2016 : ਪਿਛਲੀ ਰਾਤ ਇਥੋਂ ਦੀ ਤਲਵੰਡੀ ਰੋਡ ਤੇ ਕੇਂਦਰੀ ਮਾਡਰਨ ਜੇਲ ਨਜਦੀਕੀ ਮੋਟਰਸਾਈਕਲ ਨੂੰ ਬਚਾਉਂਦਿਆਂ ਇਕ ਕਾਰ ਦੇ ਪਲਟ ਜਾਣ ਨਾਲ ਚਾਰ ਬੱਚਿਆਂ ਸਮੇਤ ਅੱਠ ਵਿਅਕਤੀਆਂ ਦੇ ਜਖਮੀ ਹੋਣ ਦੀ ਸੂਚਨਾ ਮਿਲੀ ਹੈ | ਪ੍ਰਾਪਤ ਸੂਚਨਾ ਅਨੁਸਾਰ ਫਾਜਿਲਕਾ ਤੋਂ ਆ ਕੇ ਅੱਗੇ ਜਾ ਰਹੀ ਆਲਟੋ ਕਾਰ ਸਥਾਨਕ ਕੇਂਦਰੀ ਮਾਡਰਨ ਜੇਲ ਨਜਦੀਕੀ ਮੋਟਰਸਾਈਕਲ ਨੂੰ ਬਚਾਉਦੇ ਹੋਏ ਸੜਕ ਦੇ ਨਾਲ ਖਤਾਨਾਂ ਚ ਪਲਟੀ ਮਾਰ ਗਈ | ਜਿਸ ਵਿਚ ਸਵਾਰ ਅੰਮ੍ਰਿਤਪਾਲ ਸਿੰਘ (6 ਸਾਲ), ਪਵਨੀਤ (8 ਸਾਲ), ਜਗਮੀਤ ਸਿੰਘ ਸਮੇਤ ਅੱਠ ਵਿਅਕਤੀ ਜਖਮੀ ਹੋ ਗਏ | ਜਖਮੀਆਂ ਨੂੰ ਸਵਰਾਜ ਪਾਰਟੀ ਦੀ ਜਿਲਾ ਪ੍ਰਧਾਨ ਬੀਬੀ ਰਵਿੰਦਰਪਾਲ ਕੌਰ ਗਿੱਲ ਵੱਲੋਂ ਤੁਰੰਤ ਆਪਣੀ ਗੱਡੀ ਵਿਚ ਸਥਾਨਕ ਗੁਰੂ ਗੋਬਿੰਦ ਸਿੰਘ ਮੈਡੀਕਲ ਕਾਲਜ ਅਤੇ ਹਸਪਤਾਲ ਐਮਰਜੈਂਸੀ ਵਿਭਾਗ ਵਿਚ ਦਾਖਲ ਕਰਵਾਇਆ ਗਿਆ | ਐਮਰਜੈਂਸੀ ਵਿਭਾਗ ਦੇ ਡਾਕਟਰਾਂ ਨੇ ਕਿਹਾ ਕਿ ਜਖਮੀਆਂ ਦਾ ਇਲਾਜ ਕੀਤਾ ਜਾ ਰਿਹਾ ਹੈ |
