← ਪਿਛੇ ਪਰਤੋ
ਬਟਾਲਾ, 14 ਦਸੰਬਰ, 2016 (ਯੂਵੀ ਸਿੰਘ ਮਾਲਟੂ) : ਜਿਲਾ ਪੁਲਿਸ ਮੁਖੀ ਐਸ.ਐਸ.ਪੀ ਦਿਲਜਿੰਦਰ ਸਿੰਘ ਢਿੱਲੋਂ ਵਲੋ ਨਸ਼ਿਆਂ ਖਿਲਾਫ਼ ਵਿੱਢੀ ਗਈ ਜੰਗ ਨੂੰ ਉਸ ਵੇਲੇ ਵੱਡੀ ਸਫਲਤਾ ਮਿਲੀ ਜਦ ਇੱਕ ਨਸ਼ਿਆਂ ਦਾ ਵੱਡਾ ਤਸਕਰ ਸੀ.ਆਈ.ਏ ਸਟਾਫ਼ ਬਟਾਲਾ ਦੀ ਟੀਮ ਦੇ ਭਾਰੀ ਨਸ਼ੀਲੇ ਪਦਾਰਥਾਂ ਸਮੇਤ ਅੜਿੱਕੇ ਆਇਆ । ਇਸ ਸਬੰਧੀ ਏ.ਐਸ.ਆਈ ਰਜਿੰਦਰ ਸਿੰਘ ਅਤੇ ਥਾਣੇਦਾਰ ਗੁਰਦੀਪ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਉਨਾਂ ਨੂੰ ਗੁਪਤ ਸੂਚਨੀ ਮਿਲੀ ਸੀ ਕਿ ਪਿੰਡ ਮਿਸ਼ਰਪੁਰਾ 'ਚ ਇਕ ਵਿਆਕਤੀ ਕੈਰ ਕਾਨੂੰਨੀ ਕਾਰੋਬਾਰ ਅਤੇ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਕਰਦਾ ਹੈ ਜਿਸ ਉਪਰੰਤ ਅਸੀਂ ਗੁਪਤ ਰੂਪ 'ਚ ਛਾਪੇਮਾਰੀ ਕਰਕੇ ਲਾਡੀ ਪੁੱਤਰ ਸਾਂਈ ਦਾਸ ਵਾਸੀ ਪਿੰਡ ਮਿਸ਼ਰਪੁਰਾ ਨੂੰ 22 ਹਜ਼ਾਰ 500 ਮਿਲੀ ਲੀਟਰ ਨਜਾਇਜ਼ ਸ਼ਰਾਬ ਅਤੇ 10 ਕਿਲੋ ਭੁੱਕੀ ਚੂਰਾ ਪੋਸਤ ਸਮੇਤ ਕਾਬੂ ਕੀਤਾ ਅਤੇ ਉਕਤ ਤਸਕਰ ਖਿਲਾਫ਼ ਪੁਲਸ ਥਾਣਾ ਰੰਗੜ ਨੰਗਲ ਵਿਖੇ ਐਨ.ਡੀ.ਪੀ.ਐਸ ਅਤੇ ਐਕਸਆਇਜ਼ ਐਕਟ ਤਹਿਤ ਮਾਮਲਾ ਦਰਜ਼ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ ।
Total Responses : 266