ਮੁੱਲਾਂਪੁਰ ਦਾਖਾ, 1 ਦਸੰਬਰ, 2016 : ਕਾਂਗਰਸੀ ਆਗੂ, ਜੱਟ ਮਹਾ ਸਭਾ ਦੇ ਉੱਤਰੀ ਜ਼ੋਨ ਇੰਚਾਰਜ ਅਤੇ ਕੈਪਟਨ ਅਮਰਿੰਦਰ ਸਿੰਘ ਦੇ ਨੇੜਲੇ ਸਾਥੀ ਮੇਜਰ ਸਿੰਘ ਮੁੱਲਾਂਪੁਰ 'ਤੇ ਅੱਜ ਸ਼ਾਮ ਸ਼ਰੇਆਮ ਜੀ. ਟੀ. ਰੋਡ 'ਤੇ ਤੇਜ਼ਧਾਰ ਹਥਿਆਰਾਂ ਨਾਲ ਲੈਸ 5-6 ਨਕਾਬਪੋਸ਼ਾਂ ਵੱਲੋਂ ਕਾਤਲਾਨਾ ਹਮਲਾ ਕਰ ਦਿੱਤਾ ਗਿਆ, ਜਿਸ ਵਿਚ ਉਨ੍ਹਾਂ ਦਾ ਖੱਬਾ ਹੱਥ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਿਆ। ਮੁੱਲਾਂਪੁਰ ਨੂੰ ਤੁਰੰਤ ਸਥਾਨਕ ਇਕ ਨਿੱਜੀ ਹਸਪਤਾਲ ਵਿਖੇ ਲਿਆਂਦਾ ਗਿਆ, ਜਿਥੇ ਡਾਕਟਰ ਵੱਲੋਂ ਉਨ੍ਹਾਂ ਦੀ ਗੰਭੀਰ ਸੱਟ ਨੂੰ ਵੇਖਦਿਆਂ ਲੁਧਿਆਣਾ ਵਿਖੇ ਰੈਫਰ ਕਰ ਦਿੱਤਾ।